کسی کو بھُلانے کا وظیفہ:
ایک دُکھی نوجوان میرے پاس آیا اور کہنے لگا:
میرا ایک دوست تھا جس سے مجھے بہت محبت تھی ، اس نے مجھے چھوڑ دیا ہے ؛ اب میں اسے بُھولنا چاہتا ہوں کوئی وظیفہ بتادیں_
میں نے کہا یہ پڑھا کرو:
نَعْلَمُ مَا تُوَسْوِسُ بِهٖ نَفْسُهٗ وَ نَحْنُ اَقْرَبُ اِلَیْهِ مِنْ حَبْلِ الْوَرِیْد
اس وظیفے سے دوفائدے حاصل کیے جاسکتے ہیں:
1: جب اپنے دل میں کسی کے متعلق جذبات محسوس کریں تو تین دن تک روزانہ 77 بار یہ وظیفہ پڑھیں ، اور ساتھ حسبِ استطاعت صدقہ دیں_
اگروہ سچی محبت ہوئی تو دل میں ٹھہر جائے گی ، محبت کے نام پر مصیبت ہوئی تو ٹَل جائے گی_
2: کسی کو بھولنا چاہتے ہیں ، مگر بُھلا نہیں پارہے ؛ تو مسلسل 9 دن ، روزانہ 40 بار یہ ورد کریں ، انشاءاللہ اسے بھولنا اور خود کو یاد رکھنا آسان ہوجائے گا_
عاشقِ نامُراد کی قبر پہ تھا لکھا ہوا
جس کو ہو زندگی عزیز ، وہ نہ کہیں لگائے دل
پوچھتے کیا ہو میرے غم ، ملتے ہیں بے وفا صَنَم
چھوڑو بُتوں کی دوستی ، دیتا یہی ہے رائے دل
یاد رکھیں! بے پناہ محبت صرف اور صرف سرورکونینﷺ سے کریں ، دنیا میں یہی وہ باوفا محبت ہے جو غم ناک آہیں اور کرب ناک آنسو نہیں دیتی_
لقمان شاہد
21/7/2019 ء
Tags
اصلاح معاشرہ